तुतारी’ हातात घेताच हर्षवर्धन पाटलांनी केला मोठा गौप्यस्फोट
विधानसभा:राज्यामध्ये विधानसभा निवडणूकांचे पडघम वाजू लागले आहे त. उमेदवारी मिळवण्यासाठी नेते मंडळी या पक्षातून दुसऱ्या पक्षामध्ये पक्षांतर करत असल्याचे दिसून येत आहे. अशातच इंदापूर विधानसभा मतदारसंघाची जागा भाजपाला सुटत नसल्याचे लक्षात येताच भाजपाचे मोठे नेते हर्षवर्धन पाटील यांनी भाजपाला सोडचिट्टी देत राष्ट्रवादी शरदचंद्र पक्षात जाहीर प्रवेश केला आहे.
इंदापूर मध्ये झालेल्या एका मोठ्या कार्यक्रमांमध्ये त्यांनी आपल्या कन्या अंकिता पाटील सह मोठ्या कार्यकर्त्यांना घेऊन शरद पवार गटात जाहीर प्रवेश केला आहे. यादरम्यान त्यांनी भाषण करताना सांगितले की सुप्रियाताई या आमच्या भगिनी असून त्या खासदार झाल्याच्या आम्हाला अभिमान आहे. तीन वेळा खासदार होताना आणि त्यांना प्रत्यक्ष मदत केली होती परंतु चौथ्या वेळेस त्यांनी आम्ही अप्रत्यक्ष मदत केली आहे.
हर्षवर्धन पाटलांच्या या वक्तव्याने राजकीय क्षेत्रामध्ये खळबळ उडाली आहे. लोकसभा निवडणुकीच्या वेळेस हर्षवर्धन पाटील हे भाजपमध्ये होते. बारामती लोकसभा मतदारसंघांमध्ये इंदापूरचा भाग आहे. महायुतीकडून या मतदारसंघांमध्ये सुनेत्रा पवार यांना उमेदवारी मिळाली होती. परंतु अजित पवारांनी हर्षवर्धन पाटील यांचे राजकीय वैर असल्याने हर्षवर्धन पाटील हे अजित पवारांना मदत करतील की नाही याबाबत शंका व्यक्त करण्यात आली होती.
सुनेत्रा पवार यांना निवडून आणण्यासाठी अजित पवार आणि हर्षवर्धन पाटील यांच्यामध्ये देवेंद्र फडणवीस यांनी मध्यस्थ केले होते. परंतु प्रत्यक्षपणे हर्षवर्धन पाटील यांनी सुप्रिया सुळे यांना मदत केल्याचे जाहीर भाषणात सांगितले आहे. याची कबुली देताच कार्यकर्त्यांमध्ये एकच जल्लोष सुरू झाला.
शरदचंद्र पक्षात जाहीर प्रवेश केल्यानंतर हर्षवर्धन पाटील यांनी सांगितले की कार्यकर्त्यांच्या आग्रहानुसारच हा प्रवेश केलेला आहे. आत बाहेर करणाऱ्यांपैकी मी नाही . आपल्या भाषणादरम्यान हर्षवर्धन पाटलांनी शरदचंद्र पवार यांच्यावर कौतुकाचा वर्ष केला.
शरदचंद्र पवार यांच्या विषयी बोलताना हर्षवर्धन पाटील म्हणाले की साहेब तुम्ही निर्धास्त रहा. आता मी जबाबदारी स्वीकारलेली आहे. कालच बिग बॉसचा निर्णय झाला असून बिग बॉस हा बारामतीचा ठरलेला आहे. साहेब तुम्ही आमचे बिग बॉसच आहात.
महत्त्वाच्या बातम्या
महाराष्ट्रातील नागरिकांना आनंदाची बातमी, एसटी महामंडळाच्या ताफ्यात 2500 नवीन बसेस दाखल होणार
देवी स्कंदमाता नवरात्रीच्या पाचव्या दिवशी या राशीवर करणार कृपा वर्षाव
बिग बॉस विजेता सुरज चव्हाण ला मिळाला 14 लाखाचा चेक आणि एक चित्रपट